عليك اولا حجز قطار من القاهره الي اسوان VIP تكلفته درجه تانية 190ج للفرد
ثانيا حجز شقه من احد اصدقائك هناك في منطقه ما مثل ( السيل ) او من موقع Booking
وستجد فندق ديفيد هوستل غرفه لشخصين ب215 يوميا
ثالثا تنسيق ايام الرحله ل5 ايااام
مثال : اليوم الاول
هو يوم الوصول لاسوان فيك ترتاح شوي وتذهب الي كورنيش اسوان والممشي السياحي امام محطه اسوان
وتذهب ايضا الي : السوق السياحي العالمي
له مدخلان رئيسين :
1- مدخل اسمه ( الشواربي ) وهو بجوار كورنيش اسوان وبجوار المصرية بلازا اوابيتزا بلازا
2- مدخل رئيسي بجوار محطه قطارات اسوان Aswan Market
مثال : اليوم الثاني
ممكن تذهب الي السد العالي و بحيرة ناصر وتشاهد خزان اسوان ورمز الصداقه .
هتنزل محطه قطارات اسوان وتركب عربيه صحاري الفرد ب4ج وتنزل اخر الخط
وهتركب توكتوك يوديك السد ويفرجك بحيرة ناصر ورمز الصداقه رايح جاي ويرجعك تاني لعربيه سحاري واديله 30ج
وانت راجع من صحاري ممكن تقوله نزلني عند الشرطه العسكرية علشان اروح معبد فيله
هتنزل عند الشرطه العسكرية وتمشي شارع وبعدين شارع جنبي وحته معديه صغيره هتلاقي نفسك وصلت لجوة المرسي بتاع المراكب الي هتوديك معبد فيله
هتقطع تذكرة عادية لو الساعه قبل 5 مساء لان المعبد بيقفل 5 ولو عايز تحضر الصوت والضوء فيه الفرد 150ج تقريبا غير المركب الفرد ب60ج لو 2 هتدفع 120ج
هيوديك ويستناك لما ترجع ولما ترجع تقوله عايز اروح محطه القطار بدل ما هيرجعك المرسي هيوديك عند الشارع الجانبي الي دخلت منه وتتمشي للشارع وتطلع للشرطه العسكريه وتركب اي عربيه ب2ج للمحطه
مثال : اليوم الثالث
ممكن تذهب لمعبد ابو سمبل وده معبد بعيد شوية يبعد عن مدينه اسوان 350كم مسافه 4 ساعات تقريبا رايح و4 ساعات راجع
بتركب من محطه قطارات اسوان عربيه رايحه الموقف ب2ج وتركب عربيه رايحه ابو سمبل السياحي الفرد ب70ج تقريبا
بس لازم تروح بدري علشان تلحق لان زي ما قولتلك بتروح في4 ساعات وبترجع في 4 ساعات
بتروح تركب توكتوك ب10ج او تتمشي هو كيلو بالظبط من الموقف وتوصل للمعبد
والمعبد ده هو الي شكله علي الجنية المصري معبد الملك رمسيس الثاني وزوجته نفرتاري ( سمي المعبد بابو سمبل لان الي اكتشفه طفل صغير اسمه سمبل اثناء وجود بعثه تنقيب عن الاثار )
مثال اليوم الرابع
ممكن تذهب الي المسله الناقصه ومتحف النوبه
هتركب من كورنيش اسوان او الممشي السياحي توكتوك ب10ج للمسله الناقصه وتدخل تشوف المسله الناقصه وفكره عمل المسلات وازاي بتتعمل المسلات
وبعدين تتمشي لمتحف النوبة هو جمب المسلة الناقصه بشارع وبتطلع طريق عالي علشان المتحف موجود في حته عاليه
وباليل تمشي علي الكورنيش وتركب الحنطور النص ساعه ب50ج مع عمك محمد بتاع الحنطور
مثال اليوم الخامس
تروح جزيرة النباتات وغرب سهيل ( القرية النوبية )
جزيرة النباتات موجود علي الكورنيش جمب ماكدونالز مكتوب عليه ( مرسي الجزيرة النباتية )
هتركب مع اي ناس معاك الفرد رايح جاي ب30ج او تاخدها مركب مخصوص ب150ج
وبعد ما تطلع من الجزيرة النباتيه هتتمشي لجمب محطه القطار وتركب عربيه صحاري ب4ج
وتقوله نزلني غرب سهيل وتركب توكتوك ب20ج يوديك ( القرية النوبية ) وتشوف الناس النوبيين والسوق النوبي السياحي وجماله ..
وممكن ترجع مع اي وفد راجع بالمركب زي ما انا عملت وتدي للمركب 100ج
او ترجع زي ما جيت بتوكوك وتركب عربيه للمحطه ب4ج
اليوم السادس
تطب اغراضك وتركب قطارك الساعه 6 مساء
-------------------------------------------------
للتواصل مع صاحب الموقع ..
م/ احمد
01221997291
م/ كريم
01023821736
م/ امير
01201264911